Пайғамбарлар кимлер?
— Аллаҳ тааланың биз сыяқлы бенделери. Олар да Адам алайҳиссаламның перзентлери болып, туўылыўдан-ақ, Аллаҳ тааланың панасы ҳәм қорғаўындағы ақыллы ҳәм физикалық саламат, ҳақыйқатгөй ҳәм тақўалы, кемшиликсиз болады.
Олар қай тәризде сайланады?
— Жәбрайыл алайҳиссалам арқалы ўаҳий жибериледи. Пайғамбар усы ҳүкимлердиң күши менен бенделерди ҳақ динге баслайды.
Бенделер пайғамбарлардың сөзлерин қалай қабыл етеди?
— Бирден қабыл етпейди. Дәлил сорайды. Бундай жағдайда Аллаҳ тааладан мөжиза сорайды. Аллаҳ халайықтың талабына мүўапық мөжиза көрсетеди.
Оннан соң пайғамбарлардың ҳақлығына исене ме?
— Зейни өткирлери ҳәм инсаплылары исенеди. Жаман қулықлылары исенбей, оны сыйқыр дейди. Көпшилик инсанлар кеўиллеринде исенеди, бирақ тәкаббырлығы себепли итаат етиўге арланады.