Ѳзбекстан мусылманлары басқармасы тапсырмасы менен республикамыздағы атынайыларды сәўбеттен ѳткериў белгиленген еди. Усы тапсырмаға бола бүгин Қарақалпақстан мусылманлары қазыяты қазысы Б.Разовтың басшылығында атынайылар қатнасында ушырасыў болып, онда сәўбеттен ѳткериў тәртип-қағыйдалары ҳаққында түсиник берилди ҳәм атынайыларға әўметлер тиледи.
Қарақалпақстан мусылманлары қазыяты тәрепинен тәжирийбели имам-хатиблер ҳәм ал-Беруний медресесиниң тәжирийбели устазларынан комиссия қурамы дүзилип, республикамыздағы атынайылар сәўбеттен ѳткерилди.
Онда атынайының диний ҳәм дүньялық билим дәрежеси, орынлардағы руўхый-ағартыўшылық жумыслары, ғалаба хабар қуралларындағы шығыўлары, илимий-дѳретиўшилик хызметлери кѳрилди. Сондай-ақ сәўбет даўамында Қураны кәриймнен, ҳәдистен, Пайғамбарлар ѳмиринен ҳәм шәръий мәселелерден сораўлар берилди.
Дүзилген комиссия қурамы ағзалары тәрепинен елимизде ҳаял-қызларды ҳүрметлеў бойынша әмелге асырылып атырған жумыслар. Атап айтқанда, шаңарақлардың социаллық-руўхый орталығын тәмийинлеў, шаңарақтағы ажырымлардың алдын алыў, перзент тәрбиясында ҳаялдың тутқан орны жүзесинен түсиник берилди.
Қарақалпақстан мусылманлары қазыяты
Баспасөз хызмети
