Усы айда «Ләә иләәҳә илләллооҳ» кәлиймасын көп тәкирарлаў менен нәпил ораза тутыўдың саўабы ҳаққында Пайғамбарымыз саллаллаҳу алайҳи ўа салламнан жүдә көп ҳәдислер келген.
Әбиў Ҳурайра разыяллаҳу анҳу айтады: Пайғамбарымыз саллаллаҳу алайҳи ўа салламнан «Бес ўақыт парыз намазынан кейин қайсы намаз абзал?» деп сорады.
Пайғамбарымыз саллаллаҳу алайҳи ўа саллам: «Түнниң ортасында оқылған намаз (яғный, таҳажжуд)», — деди.
Тағы соралды: «Рамазан оразасынан кейин қайсы ораза абзал?»
Пайғамбарымыз саллаллаҳу алайҳи ўа саллам: «Аллаҳтың айлары ишинде сизлер «Муҳаррам» деп атайтуғын айда тутылған ораза», – деп жуўап берди».
Имам Аҳмад, Муслим, Әбиў Даўыт.
